بزاف الي تيعانيوا من حروشية الشعر
وكذلك جفافه او الي فيه التدرجات
بهاذ الترطيبة المجربة شعرك الى كان
مدرج او احرش او الزغبة رطبة ولكن
جافة ومكردة غادي تهناي من الترطيبة
الكيماوية نهائيا اليك هاذ الترطيبة

الطبيعية كل مرة في الاسبوع تخلي
شعرك رطب ومع المدة بحالا عاملة
الكيراتين لشعرك ان شاء الله .


ترطيبة للشعر رائعة ان شاء الله :

كاس الروز مصلوق في جوج كيسان
الماء غير تشوفي الماء نشف طفي
عليه يعني يبان لك طاب مزيان




ضيفي عليه بيضة كاملة


شوية الحريكة سواء يابسة او طرية



و2 معالق زيت العود





و2 معالق زيت الذرة او العادية ديال نوارة
الشمس عندك زيت الجنجلان ديري معلقة منو




ديري كلشي في الطحان الكهربائي غادي
يكون عندك بحال شي كريم ثقيل بحال
قوام الترطيبة الكيماوية


دهني شعرك بالزيت ومشطيه وفرقيه على جوج
ومن بعد بداي تهزي من الكريم ودهني وتتجبدي
بحال الترطيبة وعاوني بظهر المشطة الطويلة


ما تمشطيش ملي تكوني تديري في الترطيبة
وانت تتجبدي ومن بعد خلي واحد الشوية
باش تعاودي به في الاخير باش يسهال عليك
دوري الباتشا عادية بلا فيليلات ودهنيه
من الفوق بزيت العود وغطيه وبفوطة
فازكة في ماء سخون اوديري زيف وخليه
هكاك مدة ساعتين
من بعد تغسلي شعرك اول شيء غادي
تكبي عليه شوية الماء وبداي تماسي فيه
غير بالمهل وانت تتكبي في الماء حتى
تزولي المساك كلو وملي صافي تشوفي
الخلطة كلها زالت ديري الشمبوان كما
قلنا في شوية الماء وبداي ديري جهة
بجهة وغسلي شعرك مزياااان ومن بعد تكون
معاك قرعة فيها منقوع البابونج والحريكة
كبيه على شعرك قبل ما ديري الصابون
وفي الاخير شلي شعرك

وبالصحة والراحة

وملي ينشف دهنيه ودوري
لو الباتشا وعاوديها للجهة الاخرى
وها شعر حرير كل اسبوع ديريه وانت
غادي تردي علينا الخبار .